༄༅།།ན་མོ་གུ་རུ་བྷ་ག་ཝ་ཏེ་ཀཱ་ལ་ཙ་ཀྜ་ཡ། འགྱུར་མེད་སྤྲོས་བྲལ་བདེ་ཆེན་ཡེ་ཤེས་ཉིད།། རྟེན་དང་བརྟེན་པའི་རྣམ་འགྱུར་འབྱམས་ཀླས་པར།། ཡོངས་ཤར་བླ་མ་དུས་ཀྱི་འཁོར་ལོ་ཡིས།། བྱིན་ཆེན་ཤིས་པ་དམ་པས་སྐྱོང་གྱུར་ཅིག། །བདེ་སྟོང་ཟུང་འཇུག་ཡེ་ཤེས་མེ་ལྕེ་ཡིས།། སྒྲིབ་གཉིས་བུད་ཤིང་བསྲེགས་མཛད་དུས་འཁོར་ལོ།། མཉེས་བྱེད་སྦྱིན་སྲེག་བཀླགས་ཆོག་སྤེལ་བ་ལ།། བླ་མ་ཡི་དམ་སྲུང་མས་གནང་བ་སྩོལ།། དཔལ་དང་པོའི་སངས་རྒྱས་དུས་ཀྱི་འཁོར་ལོ་སྡོམ་པ་ཆེན་པོའི་ཞི་བའི་སྦྱིན་སྲེག་ཇི་ལྟར་བྱ་བའི་ཚུལ་ནི། དབང་ལེའི་ཚིགས་བཅད་དོན་གཅིག་པར། ཟླུམ་པོའམ་ནི་རིག་བྱེད་ཟུ…

༄༅།།  ཨོཾ་སྭ་སྟི།། བླ་མ་མཆོག་དང་དབྱེར་མེད་པའི།། དུས་ཀྱི་འཁོར་ལོར་ཕྱག་བྱས་ནས།། ཚོགས་མཆོད་ཇི་ལྟར་བྱ་བའི་ཚུལ།། དམ་པའི་གསུང་བཞིན་བྲི་བར་བྱ།། འདིར་དུས་ཀྱི་འཁོར་ལོ་སྡོམས་པ་ཆེན་པོའི་ཚོགས་ཀྱི་མཆོད་པ་ཇི་ལྟར་བྱ་བའི་ཚུལ་ནི། ཐོག་མར་སྣོད་བཅུད་བྱིན་གྱིས་བརླབ་པ་ནི། ཨེ་མ་ཧོཿ མཆོག་ཏུ་མི་འགྱུར་ཀུན་བཟང་བདེ་བ་ཆེ།། སྟོང་ཉིད་མཛེས་མར་རོལ་པའི་ཡེ་ཤེས་འཕྲུལ།། སྲིད་པའི་བག་ཆགས་རྡུལ་དང་བྲལ་བ་ཡི།། ཞིང་ཁམས་ཆོས་དབྱིངས་འགེངས་པའི་འོད་ཟེར་འཕྲོ།།རྡོ་རྗེ་ནོར་བུ་དྲི་མ་མེད་པ་ཡི། །ཁང་བཟང་རྒྱན་གྱི་ཁྱད་པར་ཀུན་རྫོགས་ཤིང༌།། ཡེ་ཤེས་ས་ཆུ་མ…

༄༅།།སི་དྡྷི་ར་ཏྣ་ནཱ་ཡ་ཀ་མྱར་ཐནཱ་མཤྲཱི་ཀཱ་ལ་ཙ་ཀྲ་མ་ཧཱ་ས་མ་ར་ཕྱ་མཎྜལ་བཾ་དྷཾ་ཧཾ་ཧ་ར་ཏི་སྨ།།༄༅།།དཔལ་དུས་ཀྱི་འཁོར་ལོ་སྡོམ་པ་ཆེན་པོའི་དཀྱིལ་འཁོར་གྱི་ཆོ་ག་དངོས་གྲུབ་རིན་ཆེན་འདྲེན་པའི་ཤིང་རྟ་ཞེས་བྱ་བ་བཞུགས་སོ།།  ༄༅༅། །ན་མོ་གུ་རུ་བཛྲ་དྷ་ར་ཀྴ་ལ་ཙ་ཀྲ་མ་ཧཱ་སཾ་བྷ་ར་ཡ། །ཟབ་དང་རྒྱ་ཆེའི་གདམས་ངག༷་གླིང་བཞི་ལ། །འཆད་རྩོད་རྩོམ་བའི་དཔུང་གིས་དབ༷ང་བསྒྱུར་ཞིང་། །ཆོ༷ས་ཀྱི་རྒྱལ་སྲིད་མི་ཉམས་འཕེ༷ལ་མཛད་པ། །རྡོ་རྗེ་འཆང་དབང་ཞབས་སེན་སྤྱི་བོས་མཆོད། །མི་འགྱུར་བདེ་ཆེན་ཉིན་བྱེད་རྩེ་དགའ་འབུམ། །ཆོས་དབྱིངས་བསིལ་ལྡན་ལྷུན་བོར་བརྩེན་པ་ལ…

༄༅།།ན་མོ་གུ་རུ། འདིར་དཔལ་རྡོ་རྗེ་འཇིགས་བྱེད་དཔའ་པོ་གཅིག་པའི་བླ་མ་བརྒྱུད་བའི་གསོལ་འདེབས་དང༌། ནང་མཆོད་ཀྱི་ཁ་བསྐང་གཉིས་ྋརྗེ་རིན་པོ་ཆེ་ཡན་པཎ་ཆེན་རིན་པོ་ཆེས་མཛད་པ་ལྟར་ལ། དེ་ནས། རྒྱལ་བ་གཉིས་པ་བློ་བཟང་གྲགས་པའི་དཔལ། །མཁས་གྲུབ་དམ་བ་ཤེས་རབ་སེང་གེ་དང༌། །ཟུང་འཇུག་མཆོག་བརྙེས་དཔལ་ལྡན་བཟང་པོའི་ཞབས། །གསོལ་བ༌྾མདོ་རྒྱུད་བསྟན་པའི་མངའ་བདག་དགེ་འདུན་འཕེལ། །རྒྱུད་དོན་ཇི་བཞིན་གཟིགས་བའི་བཀྲ་ཤིས་འཕགས། །དོན་གཉིས་ལྷུན་གྲུབ་བསམ་འགྲུབ་རྒྱ་མཚོའི་ཞབས། །གསོལ་བ༌྾ཡོངས་རྫོགས་བསྟན་པའི་མངའ་བདག་བརྩོན་འགྲུས་འཕགས། །ལེགས་བཤད་འབྱོར་བའི་…

༄༅། །ན་མོ་གུ་རུ་ཤྭཱི་ཧེ་རུ་ཀ་ཡ། བརྟན་གཡོའི་དངོས་ཀུན་ལྷན་སྐྱེས་བདེ་བ་ཆེར། །སྡོམ་མཛད་ཁྱབ་བདག་འཁོར་ལོའི་མགོན་པོ་དང༌། །དབྱེར་མེད་བླ་མ་ཡི་དམ་ལྷ་ཚོགས་ཀྱིས། །དུས་རྣམ་ཀུན་དུ་དགེ་བའི་ཤིས་པ་སྩོལ། །རིང་མིན་མྱུར་བ་མྱུར་བར་སྐུ་བཞིའི་སར། །བགྲོད་བྱེད་རྒྱ་བོད་མཁས་གྲུབ་སྙིང་གི་ནོར། །སྙན་བརྒྱུད་ཟབ་དོན་དམ་པའི་མན་ངག་བཞིན། །འགོད་འདིར་མཁའ་འགྲོའི་ཚོགས་ཀྱིས་གནང་བ་སྩོལ། །འདིར་བླ་མ་དང་ཧེ་རུ་ཀ་དབྱེར་མེད་ཀྱི་རྣལ་འབྱོར་ཉམས་སུ་ལེན་པར་འདོད་པས། སྔོན་འགྲོ་གནས་ཁང་བྱི་དོར་སོགས་སྤྱི་ལྟར་ལ། དགེ་སེམས་ཁྱད་བར་ཅན་གྱི་ངང་ནས།སངས་རྒྱས་ཆོ…

༄༅། །ཨོཾ་སྭ་སྟི།རབ་མཛེས་མར་གད་རྡུལ་བརྩེགས་ལྷུན་པོ་ལ། །རྣམ་མང་མཚན་དཔེའི་གཟི་བྱིན་སྟོང་འབར་བ། །དྲན་པ་ཙམ་གྱིས་སྲིད་ཞིའི་དགེ་མཚན་ཀུན། །མགྲོན་དུ་འགུགས་མཁས་འཕགས་མས་དགེ་ལེགས་སྩོལ། །སྐལ༷་བཟ༷ང་རྒྱལ་ཀུན་གསང་གསུམ་འདུས་པའི་མགོན། །ཐུ༷བ་བསྟན༷་གསལ་མཛད་དབ༷ང་ཕྱུག༷་བརྒྱད་མངའ་བ། །མཚུངས་བྲལ་རྒྱལ་བའི་གདུང་འཚོབ་ཆོས་ཀྱི་རྗེ། །དཔལ་ལྡན་བླ་མའི་ཞབས་ལ་གསོལ་བ་འདེབས། །ཁྱོད་ཀྱི་གསང་གསུམ་ཡོན་ཏན་འོད་སྣང་གིས། །བདག་ཡིད་དད་པའི་པད་ཚལ་རབ་རྒྱས་ཤིང༌། །བཀའ་དྲིན་དྲན་པས་སྙིང་ནས་གསོལ་འདེབས་ན། །ཐུགས་རྗེས་གཟིགས་ཤིག་ཚད་མེད་སྙིང་རྗེའི་གཏེར། …