༄། །རྔ་ཡུལ་སྣང་ཞིག་དགོན་རྒྱལ་བསྟན་ཕུན་ཚོགས་གླིང་ཞེས་པའི་བོན་གྱི་འདུས་སྡེ་ཆེན་པོ་འདི་ནི། མདོ་སྨད་རྔ་ཡུལ་ལ་སྟོད་སྨད་བར་གསུམ་བྱས་ཚེ། རྔ་བ་བར་མར་གཏོགས་པའི་རྒྱབ་མདུན་གཡས་གཡོན་རྣམས་ཀྱི་ས་བཀྲ་ཤིན་ཏུ་ལེགས་པའི་གནས་སུ། སྣང་ཞིག་རྒྱལ་བསྟན་ཕུན་ཚོགས་གླིང་ངམ་ཕྱོགས་ལས་རྣམ་རྒྱལ་བཀྲ་ཤིས་གཡུང་དྲུང་གླིང་ཞེས་སྙན་པའི་བ་དན་སྲིད་ན་གཡོ་བ་དེ་ཉིད་ཆགས་ཡོད། དེའི་བྱུང་རིམ་མདོར་བསྡུས་ཤེལ་དཀར་ཕྲེང་བ་ཞེས་བྱ་བ་ལས་བཏུས་ཏེ་བརྗོད་པ་ནི། དགོན་འདི་ཕྱག་འདེབས་མཛད་པ་པོ་ནི། ཡོངས་སུ་གྲགས་པའི་སྣང་ཞིག་དོ་འཕགས་ཆེན་པོའམ་ཡོན་ཏན་རྒྱལ་མཚན་ཡིན། ད…

༄། །དེང་དུས་དཀར་མཛེས་རྫོང་ཁོངས་སུ་ཡོད་པའི་སྔ་འགྱུར་རྙིང་མ་ཀཿཐོག་པ་ཟླ་གྲྭ་ལེགས་དགོན་མདོ་སྔགས་བཤད་སྒྲུབ་གླིང་། དགོན་པ་འདི་ཆོས་བརྒྱུད་སྔ་འགྱུར་རྙིང་མའི་ལུགས་ཀྱི་མདོ་སྔགས་ཀྱི་བསྟན་པ་འཛིན་པའི་ཆོས་སྡེ་ཞིག་ཡིན་མོད། དགོན་པ་བཏབ་པའི་ལོ་ཚིགས་དང་། ཆོས་ཕྱོགས་ཀྱི་མཛད་རིམ། མཆོད་གཞིས་ཡོན་བདག་གི་སྐོར་དང་། ཕྱག་འདེབས་པ་པོ་སོགས་ཀྱི་ལོ་རྒྱུས་གསལ་བོར་རྙེད་སོན་མ་བྱུང་བས་འདིར་ལོ་རྒྱུས་ཁ་གསལ་འགོད་ཐབས་བྲལ།༢༠༠༥ ལོར་ཐུབ་བསྟན་བཟང་པོ། ཐུབ་བསྟན་ཆོས་འཕེལ་གཉིས་སོག་པ་འཇམ་དབྱངས་ཁང་ཚན་དུ་སྒྲིག་ཞུགས་གནང་ཡོད།།

༄། །མདོ་སྨད་ཞྭ་སེར་བསྟན་པའི་ཆུ་འགོ་དཔལ་རྔ་ཡུལ་ཨ་འདུས་དགོན་དགའ་ལྡན་དར་རྒྱས་གླིང་ནི། འཇམ་མགོན་རྒྱལ་བ་གཉིས་པའི་ལུགས་བཟང་དྲི་མེད་འཛིན་པའི་ཆོས་སྡེ་ཞིག་ཡིན་ལ། ཆོས་སྡེ་འདི་ཉིད་རྔ་བ་རྫོང་གི་མངའ་ཁོངས་ཨ་འདུས་ཡུལ་ཚོའི་ཉེ་འགྲམ་སྟེ་རྫོང་ནས་སྤྱི་ལེ་ ༡༧ ཙམ་གྱི་སྟོད་ཀྱི་སའི་ཆར་ཨ་འདུས་དུང་ལུང་ཞེས་ས་དབྱིབས་ཆོས་དུང་དང་དངོས་སུ་མཚུངས་པའི་ཤར་གཉན་པོ་གཡུ་རྩེའི་རི་རྒྱུད། རྔ་ཆུ་དང་མཛོད་ཆུའི་རྒྱུན་བཟང་གཡས་གཡོན་ནས་དལ་གྱིས་འབབ་པའི་དཀྱིལ་དབུས། དཔལ་འཁོར་ལོ་བདེ་མཆོག་གི་གནས་སུ་བསྔགས་པའི་སར་བོད་རབ་བྱུང་བདུན་པའི་སྟོད་དུ་རྗེ་རྒྱལ…

༄། །ལྷ་རྩེ་དགོན་སྔར་ཁྲོ་སྐྱབས་ཀྱི་ཁོངས་སུ་གཏོགས་ཤིང་། ད་ལྟའི་ཆར་གསེར་རྟ་རྫོང་གསེར་སྨད་ཀྱི་ཁོངས་སུ་ཆགས་ཡོད། ལྷ་རྩེ་ཞེས་པ་ནི་སྔོན་རྒྱལ་པོ་ཁྲི་སྲོང་ལྡེའུ་བཙན་སྐབས་མཐའ་མཚམས་སྲུང་བའི་དམག་དཔོན་ཆེན་པོ་བཻ་བཙན་ཏེ་ཆོས་རྒྱལ་མདོ་བཞེར་ནག་པོ་ཟེར་བའི་རུས་རྒྱུད་ལས་ཆད་པའི་ཚངས་དབང་ཡང་བཞེར་ནག་པོ་ལྷའི་མེ་ཏོག་གི་རིགས་རྒྱུད་དགུ་པ་རྒྱལ་པོ་མདུང་ནག་ཅན་དང་། དེ་ནས་རྒྱལ་རབས་བཅུ་བདུན་པ་གཡུང་དྲུང་ཁྲོ་རྒྱལ་གྱི་སྲས་གཡུང་དྲུང་མགོན་གྱི་ཡུམ་དབྱིངས་ཕྱུག་ལྷ་དང་། ནང་གི་གདུང་རབས་བཅུ་པ་རྒྱལ་པོ་སྟོབས་ལྡན་དབང་རྒྱལ་གཉིས་ལ་སྲས་མོ་འཕྲིན་ལ…

༄། །བྲག་དཀར་དགོན་བཀྲ་ཤིས་དགེ་འཕེལ་གླིང་ནི་ཕྱོགས་བཞི་ཆོས་རྗེ་བསམ་འགྲུབ་ཚང་གིས་ཕྱག་བཏབ། འདེབས་ལོ་མི་གསལ་ཡང་འདི་པ་པཎ་ཆེན་བློ་བཟང་ཆོས་རྒྱན་གྱི་སློབ་མ་ཡིན་པར་བཤད་པས། པཎ་ཆེན་འདི་པ་རབ་བྱུང་བཅུ་པའི་ལྕགས་སྟག་ལོར་འཁྲུངས་ཤིང་། རབ་བྱུང་བཅུ་གཅིག་པའི་ཆུ་རྟ་ལོར་འདས་པ་དང་བསྡུར་ན། རབ་ཕྱོགས་ཀྱི་སྨད་དམ་རབ་དྲག་གི་སྟོད་ཅིག་ཏུ་བཏབ་པ་འདྲ། མདོ་སྨད་ཆོས་འབྱུང་ལས་སྔོན་མ་ཞིག་གིས་བར་བཞིར་དགོན་པ་བཞི་བཏབ་གསུངས་པ་དེའི་འདེབས་པ་པོ་དང་དགོན་པ་བཞི་པོའི་མིང་སོགས་མ་ངེས། གང་ལྟར་ཡང་ཆོས་རྗེ་བསམ་འགྲུབ་ཚང་བར་བཞིའི་དགོན་པར་བཞུགས་པ་ན། འཛམ་…

༄། །གསེར་རྟ་གཞི་ཆེན་རགས་བཀྲམ་དགོན་པ་ནི་མདོ་སྨད་མགོ་ལོག་དབལ་ཤུལ་གསེར་རྟའི་ལྷོ་དགོན་བཅུ་གསུམ་ཟེར་བའི་ནང་ཚན་དང་། གཞི་ཆེན་དགོན་ཁག་གསུམ་གྱི་ཡ་གྱལ་གྱི་དགོན་སྡེ་ཞིག་ཡིན། དགོན་པ་དེ་ཐོག་མར་ཕྱག་འདེབས་མཛད་པ་པོ་ཆོས་བརྒྱུད་གཞན་ཞིག་ཡིན་པ་ཚུར་སྔ་འགྱུར་རྒྱལ་བ་ཀ་ཐོག་གཞི་ཆེན་གྱི་ཆོས་བརྒྱུད་དུ་གྱུར་པའི་ལོ་རྒྱུས་ངག་རྒྱུན་དུ་བཤད་ཚུལ་གཅིག་དང་། ཡང་དགོན་པ་དེ་ཕྱི་ལོ་ ༡༦༨༨ ལོར་ཐོག་མར་ཕྱག་བཏབ་པ་དང་། ཐོག་མར་ཕྱག་འདེབས་མཁན་ནི་སྦྲ་མགོའི་བླ་མ་ཀུན་བཟང་ངེས་དོན་དབང་པོ་ཡིན་ཞེས་འབྲི་མཁན་དང་། མངའ་བདག་ཉིང་གི་གདུང་རྒྱུད་རྒྱལ་བ་གཞི་ཆེ…

༄། །འཛམ་ཐང་དགོན་པ་འདི་ནི་དྲུང་རཏྣ་ཤྲཱི་ཡིས་དུས་རབས་བཅུ་བཞི་པའི་ནང་ཕྱག་བཏབ་པ་ཞིག་ཡིན་ལ། དྲུང་དཀའ་བཞི་རིན་ཆེན་དཔལ་མདོ་སྨད་འཛམ་ཐང་ཕྱོགས་སུ་ཕེབས་སྐབས་མཆོད་གཞིས་དང་འབུལ་བ་མང་པོ་ཕུལ་སྐབས་གནས་དེར་ཕྱི་ལོ་ ༡༤༢༥ ཤིང་མོ་སྦྲུལ་གྱི་ལོར་དཔལ་གྱི་འཛམ་ཐང་ཆོས་སྡེ་ཆེན་པོ་བཏབ་སྟེ་ངེས་དོན་གྱི་བསྟན་པའི་ཆོས་གཞི་བཙུགས། དེ་ཉིད་ཀྱི་གདན་ས་འཛིན་པ་མཁན་ཆེན་དཀོན་མཆོག་རྒྱལ་མཚན། ཚེས་བཅུ་རཏྣ་ཀིརྟི། ཨརྒེ་ཉི་མ་འོད་ཟེར་སོགས་བསྟན་པ་འཛིན་པའི་སྐྱེས་ཆེན་མང་དུ་བྱུང་། འདི་ནི་མདོ་སྨད་དུ་ཇོ་ནང་དགོན་སྡེ་ཐོག་མ་ཡིན་ལ། དགོན་འདིར་ཆོས་རྗེ་གྲྭ་ཚ…

༄། །གསེར་རྟ་སེ་ར་དགོན་པ་ནི་ཐོག་མར་སྐྱབས་མགོན་རིན་ཆེན་ཕྲེང་བ་སྐུ་ཐོག་དང་པོ་བླ་མ་བློ་བཟང་འོད་ཟེར་གྱིས། ཕྱི་ལོ་ ༡༧༧༩ ལོར་སྙི་སྨད་སེ་ར་ལུང་བར་ཕྱག་འདེབས་མཛད། དེ་རྗེས་བསོད་རྒན་སྤྲུལ་སྐུ་དང་། སྤྲུལ་བའི་སྐུ་འཇིགས་མེད་དགའ་བའི་རྡོ་རྗེ། སྤྲུལ་སྐུ་རིན་ཆེན་ཕྲེང་བ་སྐུ་ཕྲེང་ཕྱི་མ་སོགས་ཀྱིས་རིམ་བཞིན་བསྐྱངས། ༡༩༢༥ ལོར་རིན་ཆེན་ཕྲེང་བ་སྐུ་ཕྲེང་གསུམ་པ་སྐྱབས་མགོན་འོད་ཟེར་རྒྱ་མཚོ་མཆོག་གིས། གཞུང་ཆེན་བཀའ་པོད་ལྔའི་འཆད་ཉན་གྱི་སྲོལ་བཏོད། དེ་ནས་བཟུང་དགོན་འདིར་གྲྭ་ས་ཆེན་པོའི་ཕྱག་བཞེས་ཇི་བཞིན་གཞི་གསུམ་གྱི་ལག་ལེན་དང་། བཤད་སྒྲ…

༄། །དམུ་དགེ་དགོན་ནི་ཟུང་ཆུ་རྫོང་ཁོངས་དམུ་དགེ་རུ་གནས་ཡོད། ཚ་ཆེན་ངག་དབང་གྲགས་པས་ཕྱག་བཏབ། དགོན་འདིའི་དངོས་མིང་ལ་བཀྲ་ཤིས་འཁོར་ལོའི་དགོན་བསམ་འགྲུབ་གླིང་ཟེར། བླ་བྲང་བཀྲ་ཤིས་འཁྱིལ་གྱི་དགོན་ལག་ཏུ་གཏོགས། འཛིན་གྲྭ་བཅུ་གསུམ་ཡོད། དགོན་མགོ་ཀུན་མཁྱེན་འཇམ་དབྱངས་བཞད་པ་སྐུ་ཕྲེང་གཉིས་པ་འཇིགས་མེད་དབང་པོར་གཏད་པ་ནས་བཟུང་བླ་བྲང་བཀྲ་ཤིས་འཁྱིལ་ནས་མཁན་པོ་གཏོང་སྲོལ་ཡོད། འཆད་ཉན་ཕྱག་ལེན་ཡོད་དོ་ཅོག་བཀྲ་ཤིས་འཁྱིལ་དང་གཅིག་མཚུངས་ཡིན། སྔོན་དུས་གྲྭ་གྲངས་ ༤༠༠ བཞུགས། བོད་གངས་ཅན་ལ་བཀའ་དྲིན་ཆེ་བའི་མཁས་དབང་དམུ་དགེ་བསམ་གཏན་གྱི་ཐོག་མའ…