༄༅།།མི་ལོ་ཉེར་གསུམ་རིང་ཆོས་རའི་ནང་གི་དྷཱིཿསྐད་ཀྱི་བརྗོད་བྱ་དོན་གྱི་ཟབ་གནད་མ་བོར་ཞིང་། རྗོད་བྱེད་ཚིག་གི་སྡེབ་སྦྱོར་མ་ཡལ་བ་ནི་འདི་ལ་ཡིད་ཆེས་དང་ཐུགས་ཁུར་རྒྱབ་སྐྱོར་བླ་མེད་གནང་མཁན་གྱི་དགེ་བའི་བཤེས་གཉེན་རྣམས་དང་རིགས་པ་སྨྲ་བའི་སློབ་གཉེར་བ། གཞན་ཡང་རིས་སུ་མ་ཆད་པའི་རྒྱ་ཆེའི་ཀློག་པ་པོ་ཡོངས་ཀྱི་བཀའ་དྲིན་ཉག་གཅིག་ཡིན་པས་ཁྱེད་ཅག་ལ་སྙིང་ནས་བཀའ་དྲིན་ཆེ་ཞུ། སྐབས་སུ་བབ་པ་ཆོས་རའི་ནང་གི་དྷཱིཿསྐད་༼འདོན་ཐེངས་སུམ་ཅུ་པ་༽དཔར་བསྐྲུན་ཟིན་པ་དང་མི་རིང་བར་སེ་ར་ཐེག་ཆེན་གླིང་དུ་འཚོགས་ལ་ཉེ་བའི་གདན་ས་གསུམ་གཙོ་བོར་གྱུར་པའི་འཇང་ད…

༄༅། །མདོ་སྔགས་གཞུང་ལུགས་ཀྱི་དཀའ་གནད་ལ་རྣམ་དཔྱོད་ཀྱི་མཁའ་ལམ་ཡངས་པའི་དགའ་ཤར་སོག་འཇམ་དབྱངས་ཁང་ཚན་གྱི་དགེ་བའི་བཤེས་གཉེན་རྣམས་ཀྱིས་དབུས་ནམ་རྒྱུན་དཔྱད་རྩོམ་གྱི་སྨྱུག་རྩེ་རྒྱ་ཡན་དུ་མི་འཇོག་པའི་རང་ཁོངས་སློབ་གཉེར་བ་རྣམས་ལ་ཆེད་དུ་ཞུ་བར་བྱ་བ་ནི།  ད་ལོ་སྔར་རྒྱུན་དང་མི་འདྲ་བར་ཆོས་རའི་ནང་གི་དྷཱིཿ སྐད་འདོན་ཐེངས་སུམ་ཅུ་པའི་དཔྱད་རྩོམ་དེ། ཕྱི་ཟླ་དྲུག་པའི་ཚེས་གཅིག་ལས་འགྱང་མེད་ཀྱི་རྩོམ་བརྡ་ཕུལ་ཟིན་པ་ལྟར། ད་ལན་ཡང་གལ་པོ་ཆེ་ལ་ནན་ཏན་གྱི་ཚུལ་དུ་དུས་དེེབ་སུམ་ཅུ་པ་དེ་དུས་དེབ་ཕྱོགས་བསྡུས་ཀྱི་སྒྲིག་སྦྱོར་དང་སྟབས་བསྟུན་ནས་ཕ…

༄༅།། ནང་བསྟན་གཞུང་ལུགས་རྒྱ་མཚོའི་ཉིང་བཅུད་རྣམ་དཔྱོད་ཚུལ་གསུམ་རིགས་པའི་ལམ་ནས་ཧུབ་ཀྱིས་འདྲེན་པའི་རིས་མེད་མཁས་དབང་རིགས་པ་སྨྲ་བའི་སློབ་གཉེར་བ་རྣམས་ཀྱི་མདུན་སར་ཆེད་ཞུ། འདི་ག་འཕགས་ཡུལ་དགའ་ལྡན་ཤར་རྩེ་སོག་པ་ཁང་ཚན་གྱི་ཆོས་རའི་ནང་གི་དྷཱིཿསྐད་རྩོམ་སྒྲིག་ཚོགས་པས་ཕྱི་ལོ་༢༠༠༡ ནས་བཟུང་ད་བར་གདན་ས་གསུམ་གྱིས་གཙོས་བོད་ཕྱི་ནང་གཉིས་ཀྱི་མཁས་དབང་རྣམ་པ་དང་སློབ་གཉེར་བ་རྣམས་ཀྱིས་བརྩམས་པའི་གཞུང་ཆེན་ཁག་གི་དོགས་དཔྱོད། དཔྱད་རྩོམ་བཞི་བརྒྱ་ལྷག་ཅིག་དྷཱིཿསྐད་འདོན་ཐེངས་དང་པོ་ནས་ཉེར་བདུན་པའི་བར་འགྲེམས་སྤེལ་བྱས་ཟིན་པ་ལ་དོན་གཉེར་ཅན…

གདན་ས་ཁག་གི་སློབ་གཉེར་བའི་མཚོན་པས་བོད་ཕྱི་ནང་གཉིས་ན་བཞུགས་པའི་ཆོས་རའི་ནང་གི་དྷཱི་སྐད་ཀློག་པ་པོ་རྣམས་ལ་ཞུ་རྒྱུ། རང་ལོ་ཉི་ཤུ་ལོན་པའི་གྲྭ་སའི་དུས་དེབ་འདི་ད་ལོ་འདོན་ཐེངས་༢༧པ་དཔར་བསྐྲུན་བྱས་ཟིན་པས། ཁྱེད་རྣམ་པ་ཚོ་སུ་ལ་དགོས་མཁོ་ཡོད་ན་དུས་དེབ་ཁང་གི་ལས་བྱེད་དང་། དུས་དེབ་འདིའི་ངོ་དེབ་བརྒྱུད་ནས་མངག་ཆོག

༄༅།།བདག་འཛིན་གྱི་འཛིན་སྟངས་ལ་ཅུང་ཟད་དཔྱད་པ།།ལུང་རིགས་དག་པའི་གཞུང་ལུགས་ཟབ་མོའི་དོན།།ཚུལ་བཞིན་འགྲེལ་པའི་རྣམ་དཔྱོད་དཔལ་གྱི་ཕྱུག།བྱམས་དང་སྙིང་རྗེའི་ཐུགས་རྒྱུད་གཏམས་པའི་མགོན།།བཤེས་གཉེན་གདོང་ལྔའི་དབང་པོས་སྐྱེས་ཀུན་སྲུངས།། དེ་ལ་འདིར་ཐར་འདོད་ཀྱི་ཐོག་མར་ཐར་བ་ཐོབ་པ་ལ་ཐབས་བླ་ན་མེད་པ་བདག་མེད་རྟོགས་དགོས་ཤིང་དེ་ལ་སྔོན་དུ་སྲིད་པ་འཆང་བྱེེད་བདག་འཛིན་ངོས་འཛིན་པ་ལ་རག་ལས་དེ། རྒྱལ་སྲས་ཞི་བ་ལྷས།བཏགས་པའི་དངོས་ལ་མ་རེག་པར།།དེ་ཡི་དངོས་མེད་འཛིན་མ་ཡིན།། ཞེས་གསུངས་པས་བདག་འཛིན་གྱི་འཛིན་སྟངས་ལ་དཔྱད་པ་ཅུང་ཟད་བྱས་ན། བདག་ཏུ་གྲུ…