༄༅། །སྐྱབས་མགོན་དཀོན་མཆོག་བསྟན་པའི་རྒྱལ་མཚན་དཔལ་བཟང་པོའི་གསང་པའི་རྣམ་ཐར་དད་པའི་པདྨོ་བཞད་པའི་ཉིན་བྱེད་ཅེས་བྱ་བ་བཞུགས་སོ།། ༄༅། །ཚོགས་གཉིས་སྤྱོད་པ་རླབས་ཆེན་ཤར་རིའི་རྩེར། །རྒྱལ་སྲས་དཔའ་བོ་སྨྲ་བའི་ཟླ་བ་འཛེགས། །ཐུབ་བསྟན་ཀུ་མུད་བཞད་པའི་དཔལ་ཡོན་ཅན། །རྗེ་བཙན་བླ་མ་སྙིང་གི་མུན་སེལ་རྒྱལ། །ཡིད་བཞིན་ནོར་ལས་ཆེས་དཀོན་ཐེག་མཆོག་གི །མདོ་སྔགས་བསྟན་པའི་བ་དན་སྲིད་པའི་རྩེར། །བསྒྲེངས་མཛད་རྒྱལ་ཀུན་འདུས་པའི་སྤྱི་གཟུགས་ཆེ། །མཚན་ལྡན་བཤེས་གཉེན་མཆོག་ལ་མགོས་ཕྱག་འཚལ། །གང་གི་གསང་གསུམ་ཡོན་ཏན་ཆུ་གཏེར་མཐའ། །སར་གནས་དཔའ་པོ་རྣམས་ཀྱི…