༄༅། །སྐུ་ཕྲེང་དང་པོ་༸རྗེ་ཨ་མཆོག་བསོད་ནམས་ཆོས་འཕེལ་གྱི་རྣམ་ཐར།

ཨ་མཆོག་བསོད་ནམས་ཆོས་འཕེལ་ནི། ས་སྐྱ་འཁོན་གྱི་གདུང་བརྒྱུད་ཡིན་ཏེ། དེའང་གནམ་ལྷ་མཆེད་གསུམ་ལྷ་ལས་བབས་པའི། ཆེ་པ་ལ། སྐྱེ་རིངས། འབྲང་བ་ལ་གཡུ་རིངས། ཆུང་བ་ལ་གཡུ་བསེར་གྲགས། བར་པའི་རྒྱུད་དུ་གཡའ་སྤང་སྐྱེས་ཟེར་བ་བྱུང་བ་དེས་སྲིན་པོ་ཁྲག་མེད་ཅེས་པ་བསད་པའི་ཆུང་མ་གཡའ་འབྲུམ་སི་ལེ་མ་ཞེས་པ་འཕྲོག་སྟེ་བཙུན་མོར་བྱས་པ་ལ་གཡའ་ཕྲུག་འཁོན་པར་སྐྱེས་ཞེས་པ་བལྟམས་ཏེ། ལྷ་སྲིན་གཉིས་འཁོན་པ་ལས་བྱུང་བས་ན། འཁོན་གྱི་གདུང་བརྒྱུད་ཅིས་ཐོག་མའི་མཚན་ཆགས། གདུང་བརྒྱུད་འདི་ནི་རྒྱལ་བའི་ལུང་གིས་ཟིན་པ་ཞིག་སྟེ། གསང་བ་སྤྱི་རྒྱུད་ལས།མ་འོངས་འཁོན་གདུང་…