དགའ་ལྡན་ཁྲི་ཟུར་རིན་པོ་ཆེ་བློ་བཟང་བསྟན་འཛིན་མཆོག་གིས་དགའ་ལྡན་ཤར་རྩེ་གྲྭ་ཚང་ནས་དཔལ་བདེ་མཆོག་དྲིལ་བུ་ལྷ་ལྔའི་བཀའ་དབང་གནང་སྐབས་ཀྱི་སྐུ་དཔར།༢༠༢༥།༠༤།༢༤ དགའ་ལྡན་ཁྲི་ཟུར་རིན་པོ་ཆེ་བློ་བཟང་བསྟན་འཛིན་མཆོག་གིས་དགའ་ལྡན་ཤར་རྩེ་གྲྭ་ཚང་ནས་དཔལ་བདེ་མཆོག་དྲིལ་བུ་ལྷ་ལྔའི་བཀའ་དབང་གནང་སྐབས་ཀྱི་སྐུ་དཔར། ༢༠༢༥།༠༤།༢༤།

དགའ་ཤར་སོག་པ་འཇམ་དབྱངས་ཁང་ཚན་གྱི་དུས་དེབ་༼ཆོས་རའི་ནང་གི་དྷཱིཿསྐད་༽འདོན་ཐེངས་སོ་གཅིག་པ་དཔར་དུ་བསྐྲུན་ཟིན་པས། མི་འགྱང་བར་འཇང་དགུན་ཆོས་ཐོག་དང་རིགས་ཚོགས་ཆོས་ཐོག་སྐབས། གདན་ས་དགའ་ལྡན་དང་སེ་ར་གཉིས་ནས་སྔར་བཞིན་གཟིགས་འབུལ་ཞུ་རྒྱུ་ཡིན་ལ། དེ་བཞིན་དུ་དྷཱིཿསྐད་ཕྱོགས་བསྡུས་དེབ་ཕྲེང་ཡང་བླུ་རྒྱུ་ཡོད་པ་ལགས་ན། རྒྱ་ཆེའི་འདུས་མང་གིས་དུས་ཐོག་ཐུགས་སྣང་འཚལ་ཞེས། ཆོས་རའི་ནང་གི་དྷཱིཿསྐད་རྩོམ་སྒྲིག་པས།

༄༅། །བཙས་པ་འཇིག་རྟེན་རྙིང་པའི་དུས། །ལག་རྗེས་བྲག་ལ་རྐོ་འདོད་པ། །ན་སོ་བརྒྱད་ཅུར་སོན་པ་ཅན། །ཨ་ཡིག་མཆོག་རྩེར་བཞད་པའི་གཏམ། །༡མཆོག་གསུམ་གཙུག་ཏུ་འཛིན་པའི་སྒོ་གསུམ་ལས། །ཏྭཱ་རེ་མ་ལྟར་འབོད་པའི་གསོལ་འདེབས་ངང་། །ཚིག་ལ་མི་རྟོན་དོན་ལ་རྟོན་ནོ་ཞེས། །སྨྲ་བ་ཚད་མར་འཛིན་པའི་མཆོག་རྩེ་པས། །༢ཆོས་ལྡན་རྒྱལ་པོས་མཛུབ་མོར་བརྩིས་པ་དང་། །ཡེ་ཤུའི་ཨ་མས་གློག་ཀླད་བརྩིས་པའི་འབྲས། །ཉིས་སྟོང་ཉེར་བཞིའི་ཤིང་ཕོ་འབྲུག་གི་ལོ། །དངོས་སུ་བྱོན་པར་བཀྲ་ཤིས་བདེ་ལེགས་ཞུ། །༣གངས་རིའི་རྭ་བ་རྡོག་པས་བཅད་པའི་ཉིན། །སྒོ་གསུམ་དྲི་མ་བདུད་རྩི་གངྒཱས་བཀྲུས…